Moda dünýäsiniň paýtagty hasaplanýan Italiýanyň Milan şäheriniň çatryklarynda ýol hereketiniň düzgünlerini bozýanlary özbaşdak kesgitlemäge we jerime salmaga ukyply “akylly” ýol yşyklary peýda boldy.
“Ýewropuls” neşiriniň habaryna görä, ýol yşyklayrna oturdylan sanly ulgam arkaly gyzyl çyradan geçen ulaglar kesgitlenip, olara jerime salynýar.
Haçan-da, sary yşyk ýananda ýol yşygynda sanly ulgam işläp başlaýar we şol döwürde basmaly däl çyzyklary basan we durmaly wagtynda durman ýoluny dowam edip, ýol hereketiniň düzgünlerini bozan ulaglaryň belgileri kesgitlener.
Şeýle ulgam bilen Milanyň şäher ýolbaşçylary ýol hadysalarynyň öňüni almagy maksat edinýärler.
Moda dünýäsiniň ýüregi hasaplanýan Milan şäherini pyýada ýolagçylaryň we welosipeçileriň şäherine öwürmek göz öňünde tutulýar. Şonuň üçin hem şäheriň köçeleriniň 35 kilometri pyýada ýolagçylara hem-de welosipedçilere bölünip berildi.