Türkmenistanda ýokanç keselleriň ýaýramagynyň öňüni almak bilen baglanyşykly çäklendirmelerden soň, içerki demir ýol gatnawlarynyň sany köpelip başlady. Bu barada “orient.tm” internet neşiri habar berýär.
Iýun aýynyň 9-yndaky ýagdaýa görä, “Demirýollary” AGPJ 33 sany demir ýol gatnawyny ýola goýdy. Olaryň 8-si Aşgabatdan Türkmenbaşy şäherine we yzyna ýolagçylaryň gatnadylmagyny üpjün edýär. Bu ugurdaky otly gatnawlary her gün amala aşyrylýar.
Beýleki ugurlarda demir ýol arkaly ýolagçy gatnawy hepdede bir-üç gezek amala aşyrylýar, emma gatnawlaryň sany kem-kemden köpeldilýär.
Gatnaw tertibini şu ýerden yzarlap bilersiňiz. Şeýle hem “Demirýollary” AGPJ-niň resmi saýtynda hem-de onuň mobil “Android” hem-de “ioS” mobil goşundylaryndan petek satyn almak mümkinçiligi bardyr.