Türkmenistanyň Daşary işler ministrliginiň Halkara gatnaşyklary institutynda Türkmenistanyň diplomatiýasynyň möhüm ugurlary boýunça okuw merkezinde möwsümleýin guralýan fakultatiw okuwlarynyň nobatdaky täze tapgyry geçirilýär.
Okuw merkezinde guralýan okuw sapaklaryna ýurdumyzyň ministrlikleriniň, pudak edaralarynyň, ylmy-barlag we ýokary okuw mekdepleriniň hünärmenleri, şeýle-de halkara guramalarynyň wekilleri işjeň çekilýär.
30-njy oktýabrda Türkmenistanyň Daşary işler ministrliginiň Halkara gatnaşyklary institutynda Türkmenistanyň Daşary işler ministrliginiň Halkara habarlary departamentiniň wekiliniň gatnaşmagynda Türkmenistanyň diplomatiýasynyň möhüm ugurlarynyň biri bolan “Suw diplomatiýasy” ugry boýunça “Suw diplomatiýasynyň halkara gatnaşyklaryndaky ornunyň ähmiýeti we wajyp orny” atly temada wideoaragatnaşyk ulgamy arkaly onlaýn okuw sapagy geçirildi.
Oňa S.A. Nyýazow adyndaky Türkmen oba hojalyk uniwersitetiniň, Türkmen oba hojalyk institutynyň tejribeli mugallymlary we talyp ýaşlary şeýle hem, Türkmenistanyň diplomatiýasynyň möhüm ugurlary boýunça okuw merkeziniň “Suw diplomatiýasy” ugrunyň diňleýjileri gatnaşdylar.
Diňleýjilere ýurdumyzda suw diplomatiýasy boýunça amala aşyrylýan işleriň halkara ähmiýeti, Türkmenistanyň häzirki zaman halkara gatnaşyklarynyň belent talaplaryna jogap berýän täze mazmunly hem-de işjeň häsiýetli diplomatiýasynyň emele gelmegi we onuň bu ugurda BMG bilen hyzmatdaşlygynyň möhüm orun eýelemegi, şeýle hem, mähriban Prezidentimiziň daşary syýasatyny, suw meseleleri boýunça netijeli halkara hyzmatdaşlygyny alyp barmaga gönükdirilen başlangyçlarynyň iş ýüzünde durmuşa geçirilişi barada giňişleýin gürrüňler berildi.
Onlaýn okuwyň ahyrynda täsirli çykyş eden hormatly wekile institutyň talyplarynyň adyndan minnetdarlyk bildirilip, ýurdumyzyň geljegi bolan ýaşlaryň bilim derejesini ýokarlandyrmak ugrunda uly tagallalary edýän mähriban Arkadagymyzyň janynyň sag, ömrüniň uzak, umumyadamzat ähmiýetli işleriniň elmydama rowaçlyklara beslenmegini arzuw etdiler.
Gözel Eminowa,
Türkmenistanyň Daşary işler ministrliginiň
Halkara gatnaşyklary institutynyň halkara
žurnalistikasy fakultetiniň 3-nji ýyl talyby.
Saýtymyzyň wideo habarlar sahypasy –geljekde iň işjeň sahypalaryň biri bolsa gerek. Häzirki döwürde bu sahypamyza birnäçe wideo rolik ýerleşdirilendir.
