“Star”-yň teleýaýlymynyň “Ilçiniň gyzy” (Sefirin Kizi) teleseriýaly millionlarça adamyň söýgüsini gazandy. Onuň şeýledigine 3-nji Halkara Izmir film festiwalynda 5 dürli kategoriýada baýrak almagy hem muňa aýdyň şaýatlyk edýär. Onlaýn şekilde geçirilen dabarada baýrak alan aktýorlar teleseriýalyň jemgyýetçilik tor hasaplarynda paýlaşanlaryndan hoşal boldular.
Kino we telewideniýe hünärmenler birleşigi tarapyndan, Medeniýet we syýahatçylyk ministrliginiň, Kino Baş müdirliginiň goldawy bilen gurnalan 3-nji Halkara Izmir film festiwalynda bu teleseriýala oňyn synlar berildi. Bu festiwala birnäçe teleseriýallar gatnaşyp, ýeňijiler ses bermek arkaly saýlanyp seçildi.
Festiwalyň çäginde takmynan 1,5 aý bäri dowam edýän köpçülikleýin ses berişlige 150-den gowrak ýurt gatnaşdy. Neslihan Atagül Dogulu “Iň gowy aktrisa”, Engin Akyürek “Iň gowy aktýor”, Tülin Ýazkan “Iň gowy kömekçi aktrisa”, Uraz Kaýgylaroglu “Iň gowy kömekçi aktýor” we Beren Gensall “Iň gowy çaga artist” baýragyna mynasyp boldular.
Saýtymyzyň döredijilik topary tarapyndan geçirilip gelinýän bäsleşikler boýunça degişli makalalary we habarlary “Ata Watan Eserleri” sahypamyzdan okap bilersiňiz. Bäsleşiklere gatnaşan eserleriň ählisi saýtymyzyň bu sahypasynda ýerleşdirildi.
