Türkiýäniň Antalýa sebitindäki myhmanhanalar koronawirus ýokanjy sebäpli mart aýynyň ortalarynda ýapylypdy. 1-nji iýuldan başlap, käbir ýurtlara halkara gatnawlaryň ýola goýulmagy bilen daşary ýurtly jahankeşdeleriň gelmegine mümkinçilik döredi.
Pandemiýa döwründe geçen dynç güni bir günüň dowamynda 10 müňden gowrak syýahatçy geldi. 1-nji iýuldan bäri ýurduň iň köp syýahatçy kabul edýän sebitine 61 müňden gowrak jahankeşde geldi.
19-njy iýulda Antalýanyň howa menziline 55 uçar bilen 10 müňden gowrak syýahatçy geldi. Şol gün Antalýa Ukrainadan 23 sany, Germaniýadan 18 sany, Şweýsariýadan 4 sany, Angliýadan 3 sany, Serbiýadan we Belarusdan 2 sany, Moldowadan, Awstriýadan we Gazagystandan 1 sany uçaryň gelendigi mälim edildi.
Soňky 3 hepdäniň dowamynda Antalýa sebitine 61 müňden gowrak jahankeşde dynç almaga geldi.