JEMGYÝET

8 ýaşly balykçy rekord goýdy

Awstraliýanyň paýtagty Sidneýiň ýakynynda Jeýden Millauro atly 8 ýaşly balykçy oglanjyk 314 kilogramlyk akulany çeňňegine ildirdi diýip, «Daily Mail» neşiri habar berýär.

Oglanjyk kakasy we gaýygyň kapitany bilen Sidneýiň ýakasynda balyk awlap ýörkä, örän uly ýolbars akulany tutmagy başardy. Olar kenara gaýdyp gelensoň, tutulan nägehanyň rekord agramlyga eýedigi kesgitlenildi. Aýdylyşyna görä, Jeýden Millauro 2 ýaşyndan bäri balyk tutmaga gatnaşýar.
Ozalky rekord Ýan Hisseý atly balykça degişlidi. Ol 1997-nji ýylda 312 kilogramlyk ýolbars akulany awlady. Täze rekord balykçylygyň rekordlaryny hasaba alýan halkara gurama tarapyndan bellige alyndy.

Ýolbars akulalar ynsan üçin juda howpludyr. Olar 4,25 metre çenli ösüp, agramyny 635 kilograma çenli ýetirip bilýärler. Ginnesiň rekordlar kitabyna uzynlygy 5,5 metre, agramy bolsa ýarym tonna ýetýän akula girizilipdir.

Ýene-de okaň

Aşgabatda halkara moda görkezilişi guraldy

Ata Watan Eserleri

Türkmen ýaşlarynyň dykgatyna! Rumyniýa okuw üçin resminamalar kabul edilip başlandy

Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasy ÝUNISEF bilen ýakyndan hyzmatdaşlyk etmegi maksat edinýär

Gurbanguly Berdimuhamedow adyndaky haýyr-sahawat gaznasynyň müdiriýetiniň mejlisi geçirildi

Haýyr-sahawat gaznasynyň wise-prezidenti ÝUNISEF-iň Türkmenistandaky wekili bilen duşuşdy

Arkadag şäherine ekologik taýdan arassalygy üçin täze güwänama berildi