Şu ýylyň 6-njy noýabrynda Waşington şäherinde “Merkezi Aziýa-ABŞ” sammitiniň geçirilmegi meýilleşdirilýär. Bu barada Gazagystanyň Prezidenti Kasym-Žomart Tokaýewiň Amerikanyň Birleşen Ştatlarynyň Prezidenti Donald Trampa iberen hatynda bellenilýär.
Gazagystanyň Prezidentiniň metbugat gullugynyň habar bermegine görä, Kasym-Žomart Tokaýew öz hatynda 6-njy noýabrda Waşingtonda geçiriljek “Merkezi Aziýa – ABŞ” sammitine gatnaşmaga çakylyk üçin minnetdarlyk bildirdi.
Habarda bellenilişine görä, Döwlet Baştutany amerikan lideriniň bu başlangyjyny wagtynda edilendir diýip hasaplaýar.
Kasym-Žomart Tokaýew, Prezident Donald Trampyň içeri we daşary syýasatynyň esasy maksatlaryny goldaýandygyny, aýratyn hem, akylly pikirleriň esasyndaky däp-dessurlary goramak we amerikan lideriniň dünýäde parahatçylygy hem-de howpsuzlygy üpjün etmäge bolan tagallasyna ýokary baha berýändigini nygtady.
Mälim bolşy ýaly, mundan ozal, ABŞ-nyň we Merkezi Aziýanyň döwlet Baştutanlary BMG-niň Baş Assambleýasynyň 78-nji sessiýasynyň çäginde geçirilen sammitde duşuşypdy.