Futbol karýerasy boýunça Braziliýanyň “Santos”, “Palmerias” we “Koritiba”, Italiýanyň “Genoa”, Horwatiýanyň “Dinamo Zagreb”, Awstraliýanyň “Sidneý” toparlarynda oýnan 55 ýaşyndaky ýapn futbolçy Kazuýoşi Miura Portugaliýada futbol durmuşyny dowam etdirýär.
1986-njy ýylda futbol oýnamaga başlan we futbol taryhyna adyna ýazdyran ýapon futbolçy 26-njy fewralda 56 ýaşaýar. Muňa garamazdan, futbol ýoluny dowam etdirmäge isleg bildirýän bu futbolçy Portugaliýanyň 2-nji ligasyndaky “Oliweirense” toparyna geçdi. Bu ýerde kärendesine oýnar.
Kazuýoşi Miura 60 ýaşaýança futbol oýnamagy dowam etdirjekdigini belläp: “Täze bir ýurda geldim. Köp tagalla edip, nähili futbolçydygymy görkezerin” – diýip, belledi.
Miura 1990-2000-nji ýyllar aralygynda Ýaponiýanyň milli ýygyndysynyň düzüminde oýnap, 89 duşuşykda 55 gol geçiripdi.
Tejribeli futbolçy häzirki wagtda çenli 700 duşuşykda oýnap, 193 gezek tapawutlanmagy başardy.