Angliýanyň futbol boýunça milli çempionatynyň nobatdaky möwsümi başlamazdan ozal, Superkubogy gazanmak ugrundaky futbol duşuşygy geçirildi. Onda “Lester” bilen “Mançester Siti” toparlary duşuşdy.
“Lester” topary garşydaşy Angliýanyň çempiony “Mançester Siti” toparyny 1:0 hasabynda utdy. Duşuşygyň ýeke-täk goluny 86-njy minutda 11 metrlik jerime urgusyndan Keleçi Iheanaço öz adyna ýazdyrdy.
Şeýlelikde, “Uembli” stadionynda oýnalan duşuşykda ýeňiş gazanan “Lester” topary 50 ýyldan soňra Angliýanyň naýbaşy kubogy bolan Superkubogy gazandy. Mundan ozal, bu topar 1971-nji ýylda bu kubogy gazanypdy. Şol duşuşykda hem “Liwerpul” toparyny 1:0 hasabynda utupdy.
“Lester” topary 2016-njy ýylda hem Superkubogyň finalynda oýnady, ýöne “Mançester Ýunaýted” toparyndan 2:1 hasabynda utulypdy.
“Mançester Siti” topary bu kubogy mundan ozal 6 gezek (1937, 1968, 1972, 2012, 2018, 2019) eýeledi. Angliýanyň Superkubogyny iň köp gazanan topar “Mançester Ýunaýted” toparydyr. Bu topar 21 gezek bu kubogy gazanmagy başardy.
Angliýanyň Superkubogyny iň soňky gazanan topar “Arsenaldyr”.