Germaniýanyň awtoulag giganty “Mersedes-Benz” elektrik awtoulag önümçiligine 40 milliard ýewro maýa goýjakdygyny we 2030-njy ýyla çenli ähli ulaglaryny elektrik ulgamyna öwrüljekdigini habar berdi.
Köp markalar soňky döwürde meşhur bolan elektrikli awtoulaglar sebäpli bu bazara ünsi jemleýärler. Nemes kompaniýasy 2022-nji we 2030-njy ýyllar aralygynda elektrikli awtoulag gözleglerine we ösüşine (R&D) 40 milliard ýewro maýa goýjakdygyny mälim etdi.
“Mersedes” kompaniýasy tarapyndan berlen beýanatda beýleki hyzmatdaşlar bilen bilelikde 8 dürli batareýa öndürýän desganyň dörediljekdigi we 2025-nji ýyla çenli öndürilen awtoulaglaryň hemmesiniň 100% elektrik ýa-da gibrid boljakdygy mälim edildi.
Ýewropa Bileleşigi Geňeşi geçen hepdelerde öz sebitiniň çäginde dizel we benzin ulaglaryny 2035-nji ýyla çenli ulanmagy gadagan etjekdigini habar berdi. Şol sebäpli köp markalar doly elektrikli bolmak üçin maýa goýumlaryny artdyrýarlar.