Amerikan aýdymçy Beýonse 2025-nji ýylda rekord goýdy: onuň konsert maksatnamalary 55,7 million dollar girdeji getirip, 217 000 bilet satyldy. Bu görkeziji 2025-nji ýylyň iň girdejili konserti bolup, şeýle hem zenan sungat işgärleriniň çykyşlarynyň arasynda taryhdaky iň uly konsertleriň biri boldy.
Los-Anjelesde geçirilen, 50 million dollardan gowrak girdeji toplan Beýonseniň konsertleri 2025-nji ýylda bir ýerde geçirilen çykyşlaryň arasynda hasaba alnan iň uly çäre boldy. Ol “Coldplay” toparynyň Aziýa konsert maksatnamasynyň çäginde geçirilen birnäçe konsertlerinden hem-de Şakiranyň Meksikodaky ýedi günlük çykyşlaryndan öňe geçdi.
Mundan başga-da, “Billboard” neşiriniň bellemegine görä, bu konsert “Boxscore” taryhynda girdeji boýunça bäşinji orunda durýar we zenan aýdymçylaryň arasynda bir ýerde geçirilen iň girdejili konsert hökmünde hasaba alyndy.
“Cowboy Carter” konsert maksatnamasy 28-nji aprelde başlap, 1-nji, 4-nji, 7-nji we 9-njy maýda dowam etdi. Ortaça alanyňda, Beýonse her agşam 11,1 million dollar gazanyp, her konsertde 43 000-den gowrak muşdaklaryny jemledi.