ABŞ-da 20 dollara kriptowalýuta alan talyp puluny 1,2 trillion dollara çenli ýokarlanandygyny gördi. Ol bir gijede baýan Kristofer Uilýams dünýäniň iň baý adamy bolan Jeff Bezosdan 6 esse baý boldy.
Kriptowalýuta bazarynda baý bolmak köp sanly adamyň arzuwyna öwrüldi. Bazardaky ýokary depgindäki ösüş köp adamy gysga wagtda baý adama öwürdi.
Lukmançylyk ugry boýunça bilim alýan talyp Kristofer Uilýams ABŞ-nyň Jorjia ştatynda ýaşaýar. Uilýams kriptowalýuta 20 dollar maýa goýdy. Ol irden tursa, onuň emlägi barha ýokarlanypdyr. Uilýams 20 dollarlyk maýa goýumy 1,2 trillion dollara barabar boldy. Pulunyň möçberi 60 milliard esse ýokarlandy.
Dünýäniň iň baý adamy Jeff Bezosyň 200 milliard dollarlyk emlägi bar. Uilýams dünýäniň iň baý adamyndan 6 esse baý boldy.
Dünýäniň ilkinji kriptowalýuta trillioneri bolan Kristofer puluny başga ýere geçirmek isledi. Emma ol muňa başartmady. Sebäbi ulgamda ýüze çykan säwlik sebäpli emlägi ýokarlanypdyr.