Ýurtda parahatçylygy we ösüşi üpjün etmekde ylmyň ähmiýeti örän uludyr. Ylma eýe bolan jemgyýet hemişe asuda we parahat durmuşda ýaşaýar. Şeýle jemgyýet elmydama ösüşiň belent basgançaklaryna tarap öňe gidýär. Ylmyň bar ýerinde bolsa, dostlukly, hoşniýetli gatnaşyklar höküm sürýär. Ylmyň kämilleşmegi bilen jemgyýet ösýär. Sebäbi ylym – halkara gatnaşyklarynyň ösüş guralydy.1999-njy ýylda Wengriýanyň paýtagty Budapeştde Birleşen Milletler Guramasynyň Bilim, ylym we medeniýet baradaky guramasynyň (ÝUNESKO) howandarlygynda Bütindünýä ylym konferensiýasy geçirildi. Duşuşykdan soňra, ÝUNESKO tarapyndan Parahatçylyk we ösüş üçin bütindünýä ylymlar güni tassyklanyldy. Dünýä ýüzünde halkara güni ilkinji gezek 2002-nji ýylyň 10-njy noýabrynda bellendi we şondan bäri yzygider bellenilip geçilýär.Bu günde ÝUNESKO-nyň işgärleri görkezilen ugurlardaky işlerini has-da güýçlendiryärler. Ýagny mekdeplerde leksiýalar, seminarlar, tegelek stollar geçirilýär we muzeýlerde ýörite sergiler guralýar. Öňe sürülýän meseleleriň ähmiýetine garamazdan, bu gün bütin dünýädäki alymlar üçin dynç alyş günüdir. Sebäbi bu günde olar kärdeşleri bilen duşuşmak, ylmy netijeleri alyşmak we bilelikde ýüze çykan meseleleri çözmek mümkin.Käbir ýurtlarda Parahatçylyk we ösüş üçin bütindünýä ylymlar gününde ylmy guramalar mekdepler we uniwersitetler bilen bilelikde täze ylmy-tehniki taslamalary durmuşa geçirilýär. Her ýyl günüň wakalary belli bir mowzuga bagyşlanýar.
Aýlar Atajykowa
Türkmenistanyň Daşary işler ministrliginiň
Halkara gatnaşyklary institutynyň
Halkara žurnalistikasy fakultetiniň II ýyl talyby.
Odri Azule täzeden ÃUNESKO-nyň baÅŸ direktorlygyna saýlandy