“Aragatnaşyk hyzmatlar merkeziniň” operatorlary gije-gündiziň dowamynda aragatnaşyk hyzmatlary baradaky soraglara jogap berýärler, şeýle-de telewideniýe we internet hyzmatlary boýunça ýüze çykan näsazlyklar baradaky arzalary kabul edýärler.
Merkez arzaňyzy kabul edeninden soň ýörite tehniki işgärleri ugradýar, olar gysga wagtyň içinde näsazlygy döredýän sebäpleri aradan aýyrýarlar. Bu hyzmatlar üçin “Türkmentelekom” elektrik aragatnaşyk kompaniýasynyň “071”gysga telefon belgisine jaň etmeli.
“071” gysga telefon belgili sorag-jogap merkezi şu aşakdaky hyzmatlary amala aşyrýar:
— ýurdumyzda hereket edýän ähli edara-kärhanalarynyň salgylary we telefon belgileri barada maglumatlary bermek;
— halkara telefon arabaglanşygyny birikdirmek;
— halkara we şäherara telefon kodlary anyklamak;
— halkara we şäherara jaňlaryň nyrhnamalary bilen tanyşdyrmak.