UEFA guramasy tarapyndan ýylyň futbolçysyna baýragyna üç dalaşgär yglan etdi.
Baýrak üçin Žoržinio, Ngolo Kante (ikisi hem “Çelsi”) we Kewin de Bruýne (“Mançester Siti”) dalaşgär görkezildi.
Bu dalaşgärler Ýewro-2020-ä gatnaşýan toparlaryň 24 tälimçisiniň, geçen möwsüm Çempionlar ligasynyň we Ýewropa ligasynyň toparçalaryna gatnaşan toparlaryň 80 tälimçisiniň arasynda ses bermek arkaly saýlandy.
Şeýle hem em’n agzalarynyň düzümine 55 žurnalist hem gatnaşdy.
Zenanlar futbolynda möwsümiň oýunçysy baýragyna dalaşgärler hem bar. Baýrak üçin Jennifer Hermoso, Like Martens we Aleksiýa Putellas (ählisi “Barselona”) bäsleşer.
Ýeňijiler 26-njy awgustda Türkiýede geçiriljek UEFA Çempionlar ligasynyň bije çekiliş dabarasynyň çäklerinde mälim ediler.
Şeýle hem, Messi, Lewandowski we Ronaldo ýaly futbolçylar ýylyň iň gowy futbolçysy baýragyna dalaşgär bolup bilmediler.