Ysraýyl Döwletiniň daşary işler ministri Eli Koeniň Aşgabada sapary 20-nji aprelde göz öňünde tutulýar. Bu barada ýurduň “The Times of Israel” neşiri habar berýär.
Internet gazetiniň habar bermegine görä, Ysraýylyň daşayr işler ministri Koeniň 18-nji aprelde Azerbaýjanyň paýtagty Baku şäherine sapary meýilleşdirilýär. Geçen hepde Azerbaýjan Ysraýyl döwletinde özüniň ilçihanasyny açdy.
Baku şäherinde Ysraýylyň daşary syýasat edarasynyň ýolbaşçysy Prezident Ilham aliýew we daşary işler ministri Jeýhun Baýramow bilen duşuşar.
Ysraýylyň Daşary işler ministrligi şol günlerde Eli Koeniň Aşgabada saparynyň hem gurnalmagynyň mümkinçilikleriniň öwrenýär. Ministr Eli Koeniň 20-nji aprelde Aşgabada gelip, Ysraýylyň ilçihanasynyň açylyş dabarasyna gatnaşmagy meýilleşdirilýär.