Futbol boýunça Ýewropa çempionatynda toparlarda birinji duşuşyklar tamamlandy. Nobat 2-nji duşuşyklarda.
Şu gün “A” toparynda 2 duşuşyk hem-de “B” toparynda hem 1 duşuşyk geçiriler.
SAGAT 18:00 “B” TOPARY: FINLÝANDIÝA – RUSSIÝA
Bu duşuşyk Russiýanyň Sankt-Peterburg şäherinde oýnalar. Ilkinji duşuşygynda Belgiýadan 3:0 hasabynda ýeňlen Russiýanyň milli ýygyndysy ýaryşa dowam etmek üçin bu duşuşykda ýeňiş gazanmagy gerek. Ýewropa çempionatyna ilkinji gezek gatnaşýan Finlýandiýanyň ýygyndysy hem ilkinji duşuşygynda Daniýanyň güýçli düzümini 1:0 hasabynda ýeňmegi başarypdy.
SAGAT 21:00 “A” TOPARY: TÜRKIÝE – UELS
Azerbaýjanyň Baku şäherinde oýnaljak duşuşyk her iki topar üçin hem möhümdir. Esasan hem Türkiýäniň ýygyndysy üçin. Sebäbi Türkiýäniň ýygyndysy ilkinji oýnunda Italiýadan 3:0 hasabynda ýeňlipdi.
Garet Beýlli Uels bolsa Şweýsariýa bilen 1:1 hasabynda deňme-deň oýnapdy.
SAGAT 00:00 “A” TOPARY: ITALIÝA – ŞWEÝSARIÝA
Italiýanyň Rim şäherinde geçiriljek duşuşykda Italiýanyň ýygyndysy ýeňiş gazanan halatynda ikinji tapgyra gatnaşmaga doly hukuk gazanar.