Futbol boýunça Ýewropa çempionatynda gezek dünýäniň iň güýçli futbolçylarynyň biri bolan Kristiano Ronaldonyňky.
Şu günüň duşuşyklary:
“F” TOPARY
Sagat 21:00 – Wengriýa – Portugaliýa
Bu duşuşyk Budapeşt şäherinde oýnalar. Kristiano Ronaldo düýn bu duşuşygyň öň ýanynda metbugat ýygnagyny geçirdi. Şol ýygnakda stoluň üstünde duran “Koka-Kola” çüýşelerini bir gyra süýşirdi we elina arassa suwy alyp, suw içmegi maslahat berdi.
Metbugatdaky habarlara görä, Ronaldonyň düzüminde şeker bolan gazlandyrylan içgileri öz çagalarynyň hem içmegine maslahat bermeýändigi mälim edildi.
Sagat 00:00 – Germaniýa – Fransiýa
Bu duşuşyk Germaniýanyň Mýunhen şäherinde geçiriler. Birnäçe ýyldan soňra täzeden milli ýygyndynyň düzümine çagyrylan Karim Benzema, Kilian Mbappe hem-de Antuan Grizmann ýaly futbolçylar üçin ajaýyp pursatlar döreýär.