Türkiýäniň Wiza ýüz tutuş merkezinde ýer titremesinde ejir çekenlere kömek etmek üçin odeýalolar kabul edilip başlandy.
Bu barada Türkiýäniň Türkmenistandaky ilçihanasynyň köpçülikleýin habar beriş serişdelerine ýaýradan maglumatlarynda şeýle beýan edildi:
«14-nji fewralda söýgülileriňiziň kalbyny ýer titremesinde ejir çekenlere iberen odeýalolar bilen ýyladyň».
Diňe täze, ulanylmadyk hem-de gaplanan odeýalolar 13:00-dan 17:00-a çenli Türkiýäniň Wiza ýüz tutuş merkezinde kabul edilýär.
Ozal hem habar berşimiz ýaly, Türkiýe döwletinde bolup geçen köp sanly adam pidalaryna we şikes ýetmelerine hem-de weýrançylyklara getiren ýer titremesi sebäpli maddy taýdan kömek etmek isleýänler üçin Türkmenistanda ýörite bank hasaby açyldy.
Mälim bolşy ýaly, döwletimiz tarapyndan hem Türkmenistanyň Prezidentiniň tabşyrygy bilen ynsanperwer kömegi Türkiýä iberildi.