Russiýa Federasiýays koronawirus ýokanjy bilen baglanyşykly çäklendirmelerden soňra kem-kem-den halkara uçar gatnawlaryny ýola goýup başlady. Ýurduň hökümeti ýene-de 8 döwlete uçar gatnawlarynyň ýola goýulmagyna rugsat berdi.
Şeýlelikde, rus awiakompaniýalary islege görä Awstriýa, Wengriýa, Liwan, Lýuksemburg, Mawrikiýa, Marokko hem-de Horwatiýa uçar gatnawlaryny amala aşyryp biler. Şeýle hem albaniýa bilen çarter uçar gatnawlaryny ýolga goýmaga mümkinçilik döredildi. Bu barada şu ýylyň maý aýynyň ahyrynda koronawirus ýokanjyna garşy göreş boýunça adatdan daşary topar degişli çözgüt kabul etdi.
Häzirki wagtda Russiýadan Ermenistan, Azerbaýjan, Belarus, Hindistan, Islandiýa, Gazagystan, Meksika, Portugaliýa, Saud Arabystany, Wýetnam, Wenesuela, Gresiýa, Germaniýa, Singapur, Serbiýa, Efiopiýa, Katar, Gyrgyzystan, Günorta Koreýa, Müsür, BAE, Şweýsariýa, Şri-Lanka, Özbegistan, Finlýandiýa, Ýaponiýa, Maldiwler, Malta, Kuba, Seýşel adalary ýaly ýurtlara halkara gatnawlary täzeden başlandy.
Şeýle hem, Russiýa Gresiýa, Azerbaýjan, Ermenistan, Katar, Özbegistan we Täjigistan, şeýle hem Müsür we Serbiýa ýaly döwletlere yzygiderli gatnawlaryň sanyny artdyrýar.