Ýewropa Bileleşiginiň Türkmenistandaky wekilhanasy 2021-nji ýylyň jemlerine bagyşlanyp duşuşyk geçirdi. Oňa ÝB-niň Türkmenistandaky Adatdan daşary we Doly ygtyýarly ilçisi Diego Ruiz Alonso, ÝB-niň Türkmenistandaky ilçisiniň birinji geňeşçisi Renata Wrobel, ýurdumyzdaky daşary ýurtlaryň ilçihanalarynyň metbugat boýunça hünärmenleri, metbugat wekilleri we köp sanly myhmanlar gatnaşdy.
“Atavatan Türkmenıstan” halkara žurnalynyň hem gatnaşan bu duşuşygynda ÝB-niň Türkmenistandaky Adatdan daşary we Doly ygtyýarly ilçisi Diedo Ruiz Alonso hem-de ÝB-niň Türkmenistandaky ilçisiniň birinji geňeşçisi Renata Wrobel 2021-nji ýylyň jemlerine bagyşlanyp, ÝB-niň Türkmenistandaky wekilhanasynyň alyp baran işleri, Türkmenistanyň Hökümeti bilen durmuşa geçirilýän taslamalar barada giňişleýin gürrüň berdiler.
ÝB-niň ilçisi Diego Ruiz özüniň wekilçilik edýän guramasy bolan Ýewropa Bileleşiginiň Türkmenistan bilen hyzmatdaşlyk etmäge uly gyzyklanma bildirýändigini belledi. Ol Türkmenistandaky wekilhanasynyň ýurduň hökümeti bilen söwda, oba hojalygy, ylym-bilim we beýleki ugurlarda hyzmatdaşlygyň giňeldilýändigini belledi.
ÝB-niň Türkmenistandaky ilçisiniň birinji geňeşçisi Renata Wrobel bolsa, ÝB-niň wekilhanasynyň Türkmenistanda amala aşyrýan taslamalary barada giňişleýin maglumat berdi. Şeýle hem hanym Renata Wrobel sebit hyzmatdaşlyk gatnaşyklary babatda hem mysallar getirdi.
Soňra duşuşyk sorag-jogap görnüşinde dowam edildi.
– Ilkinji sowal saglygy goraýyş ulgamy bilen baglanyşykly boldy. ÝB-niň Türkmenistandaky bu ugurda nähili hyzmatdaşlyk gatnaşyklary alyp barýandygy we geljekdäki meýilnamalary barada sowal berildi.
Ilçi Diego Ruiz häzirki wagtda dünýäde koronawirus ýokanjynyň dowan edýän döwründe ÝB-niň bu ulgamda ähli ýurtlar bilen hyzmatdaşlyk edýändigini belledi. Ol alyp barýan ähli taslamalarynyň köp sanly ugurlary gurşap almagy ugrunda tagalla edýändiklerini belledi. Türkmenistan bilen saglygy goraýyş ulgamynda hem hyzmatdaşlyk etmäge taýýardyklaryny belledi.
-Ikinji sowal Türkmenistanyň Hökümeti bilen ÝB-niň arasynda “ýol kartasynyň” düzülmegi babatda boldy. Bu meýilnamanyň haýsy tapgyrda alnyp barylýandygy sowaldy.
ÝB-niň Türkmenistandaky Adatdan daşary we Doly ygtyýarly ilçisi Diego Ruiz Alonso Türkmenistanyň Hökümeti bilen alnyp barylýan hyzmatdaşlygyň esasy ugurlaryny energetika, ulag, söwda we beýleki ugurlaryň düzýändigini belledi. Ol Türkmenistan bilen bilim ulgamynda dowam eden köp ýyllyk taslamany durmuşa geçirendiklerini belledi.
Şeýle hem Türkmenistanyň Hökümeti bilen ulag ulgamyndaky hyzmatdaşlygy işjeňleşdirmegi göz öňünde tutýandyklaryny belläp, ÝB-niň häzirki wagtda howa goýberilýän bug gazlarynyň möçberi azaltmak babatda uly tagallalary edýändigini mälim etdi.
– Üçünji sowal Taran-Hazar gaz geçirijisi taslamasy boldy. Bu taslamanyň geljegi barada sowal bilen ýüzlenildi.
– ÝB-niň ilçisi Diego Ruiz hemmäňiz internet maglumatlary arkaly tebigy gazyň bahasynyň yzygiderli ýokarlanýandygyny belläp, ÝB-de energiýa serişdelerine zerurlyk duýulýandygyny belledi. ÝB-niň köp sanly kömür şahtalaryny ýapandygyny hem göz öňünde tutsaň, energiýa geçirijileriň köpdürlüliginiň möhüm bolup durýandygyny mälim etdi.
Şeýle hem Diego Ruiz Ýewropanyň gaz bazarynyň täze taslamalara hem-de maýa goýumlara açykdygyny belledi.
Mundan başga-da, ilçi hususy kompaniýalar bu mesele realistik seredip, gysga turba geçirijiler, az möçber, belki platformadan platforma çenli ýaly ugurlary öz içine alyp biljekdigini belledi.
Şeýle hem bu meseläniň ýene-de bir ugrunyň maýa goýum bolup durýandygyny hem nygtady.
Ilçi Ruiz türkmen gazynyň Ýewropa iberilmegi, Trans-Hazar gaz geçirijisi taslamasynyň açyk mesele bolup durýandygyny we bu ugurda gepleşikleriň geçirilýändigini belledi.
Şeýle hem ilçi Diego Ruize sport, zenanlaryň gatnaşmagyndaky telekeçilik işleri, Türkmenistanyň hususy pudagynyň önümleriniň Ýewropa standartlarynda öndürilmegi babatda durmuşa geçirýän taslamalary barada soraldy.
ÝB-niň ilçisi Diego Ruiz Alonso ozal hem belläp geçişi ýaly, ÝB-niň wekilhanasynyň işläp düzýän taslamalarynyň köp ugurlary gurşap alýandygyny belläp, zenanlaryň telekeçilik işine goldaw bermek, türkmen telekeçileriniň işleriniň ilerledilmegi babatda taslamalary durmuşa geçirmek babatda gyzyklanma bildirýändiklerini belledi.
Ilçi türkmen pomidorynyň hem-de beýleki bakja önümleriniň hiliniň ýokarydygyny belläp, önümleriň Ýewropa ülňülerinde öndürilmegi diňe bir Ýewropa bazaryna däl, eýsem ähli bazarlara girmäge mümkinçilik berjekdigini belledi.
Ol Türkmenistanyň Hökümeti bilen oba hojalyk ulgamynda hyzmatdaşlyk taslamasynyň durmuşa geçirilýändigini hem agzap geçdi.
Putin gyşky Olimpiýa oýunlarynyň açylyş dabarasyna gatnaşmakçy