BILIM

Ýaş türkmen matematikleriniň halkara olimpiadaky uly üstünligi

2025-nji ýylyň 24-29-njy iýuny aralygynda Demirgazyk Makedoniýa Respublikasynyň Struga şäherinde Ýaşlaryň 29-njy Balkan matematika olimpiadasy geçirildi.

Bu olimpiada dünýäniň 23 döwletinden (Albaniýa Respublikasy, Azerbaýjan Respublikasy, Bosniýa we Gersogowina, Bolgariýa Respublikasy, Çernogoriýa Respublikasy, Horwatiýa Respublikasy, Kipr Respublikasy, Fransiýa Respublikasy, Rumyniýa, Gresiýa Respublikasy, Demirgazyk Makedoniýa Respublikasy, Gruziýa Respublikasy, Ermenistan Respublikasy, Malaýziýa, Molodowa Respublikasy, Saud Arabystan Patyşalygy, Gazagystan Respublikasy, Gyrgyz Respublikasy, Özbegistan Respublikasy, Ukraina,  Serbiýa Respublikasy, Türkiýe Respublikasy, Türkmenistan) 135 okuwçy, ýurdumyzdan 6 okuwçy gatnaşdy.

Çekeleşikli geçen bu olimpiada gatnaşan mekdep okuwçylarymyz üstünlikli çykyş edip, Aşgabat şäheriniň iňlis dili, himiýa we biologiýa okuw derslerini çuňlaşdyryp öwredýän 86-njy ýöriteleşdirilen orta mekdebiniň 9-njy synp okuwçysy Hemra Gurbanow altyn medala, 9-njy synp okuwçylary Atabaý Akmyradow, Ýeňiş Akmämmedow, Aşgabat şäheriniň dil derslerini çuňlaşdyryp öwredýän 87-nji ýöriteleşdirilen orta mekdebiniň 9-njy synp okuwçylary Ýusup Resulow, Parahat Ojarow kümüş medallara, Aşgabat şäheriniň iňlis dili dersine ýöriteleşdirilen 83-nji orta mekdebiniň 9-njy synp okuwçysy Omar Döwranow bürünç medala mynasyp boldular. Şeýlelikde, mekdep okuwçylarymyz 1 altyn, 4 kümüş we 1 bürünç medala eýe bolmagy başardylar.

Ýene-de okaň

Türkmenistanyň Döwlet lukmançylyk uniwersiteti 600 ýaş hünärmen taýýarlady

Türkmenistanyň wekilleri «Ýatlama otlusy» çäresine gatnaşýarlar

Türkmenistanyň wekiliýeti Marokkodaky halkara maslahata gatnaşdy

Awtomobil mekdepleriniň birleşiginiň ýurduň welaýatlaryndaky şahamçalarynyň täze desgalary açyldy

Türkmen talyby — Merkezi Aziýanyň iň gowy talyby

Özbek talyplary Türkmenistanda tejribelik geçýärler

Ata Watan Eserleri