Ozal hem habar berşimiz ýaly, Ýaponiýanyň paýtagty Tokio şäherinde 2004-nji ýylda döredilen we 21 ýyldan soňra “Merkezi Aziýa+Ýaponiýa” Dialogynyň ilkinji sammiti geçirildi.
Ýaponiýanyň Premýer-ministri Sanae Takaitiniň başlyklyk etmeginde geçirilýän bu sammite Türkmenistanyň Prezidenti Serdar Berdimuhamedow bilen bir hatarda Gazagystanyň Prezidenti Kasym-Žomart Tokaýew, Gyrgyzystanyň Prezidenti Sadyr Žaparow, Özbegistanyň Prezidenti Şawkat Mirziýoýew hem-de Täjigistanyň Prezidenti Emomali Rahmon gatnaşdy.
«Merkezi Aziýa — Ýaponiýa» dialogynyň birinji sammitinde Ýaponiýa bilen sebit ýurtlarynyň arasyndaky hyzmatdaşlyk gatnaşyklary ara alyp maslahatlaşyldy.
Ýaponiýadaky resmi duşuşyklaryň hem-de işewürlik duşuşyklarynyň netijesinde Ýaponiýa bilen Merkezi Aziýanyň arasynda 150-den gowrak dürli derejedäki resminamalara gol çekildi.
Şeýle hem Ýaponiýa bilen Merkezi Aziýa esasan-da, üç esasy ugurda — ýaşyl durnuklylyk, baglanyşyk we adam serişdeleriniň ösüşi — boýunça özara bähbitli taslamalary durmuşa geçirmek babatda ylalaşdy.
Gazanylan esasy ylalaşyk ugurlarynyň biri hem emeli aň ulgamyndaky hyzmatdaşlykdyr. Şunuň bilen baglylykda, emeli aň ulgamyndaky hyzmatdaşlygy berkitmek babatda “Merkezi Aziýa+Ýaponiýa emeli aň hyzmatdaşlygy” Hyzmatdaşlyk maksatnamasy boýunça ösdürmek gatnaşyklar giňeldiler.