Hytaýyň tehnologiýa ägirdi “Xiaomi” kompaniýasy elektrikli awtonom hereketlendiriji tehnologiýasyny güýçlendirmek üçin maýa goýum goýdy. “Mi” telefonlary bilen dünýäde uly meşhurlyk gazanan kompaniýa elektrikli ulag öünmçiligini hem ýola goýýar.
Bu ulaglaryň awtonom hereket etmegi üçin 77 million dollar maýa goýup, “Deepmotion” firmasyny satyn aldy.
Mälim bolşy ýaly, ozal “Xiaomi” kompaniýasy awtonom hereketlendiriji tehnologiýasy üçin ýakyn 10 ýylda 10 milliard dollar maýa goýmak kararyna gelendigini mälim edipdi.
Awtonom we elektrik awtoulag bazaryndaky bäsdeşlik barha artýar. Bu ugurdaky täze maýa goýumlaryny yglan eden “Xiaomi” edil özi ýaly, köp ugurda işleýän köp sanly kompaniýa bilen bäsleşýär.
“Tesla”, “Xpeng”, “Nio”, “Baidu” we “Huawei” ýaly kompaniýalar hem bu bäsleşikde artykmaçlyk gazanmaga synanyşýarlar.
“Xiaomi”-niň ikinji çärýekdäki girdeji görkezijileri geçen ýyl bilen deňeşdirilende 64 göterim ýokarlap, 13,5 milliard dollara ýetdi. “Xiaomi” -niň girdejisiniň 67,3 göterimi kompaniýanyň smartfon satuwyndan gelýär.