Mälim bolşy ýaly, şu ýylyň ýanwar aýynda Türkmenistanyň Hökümetiniň we Azerbaýjan Respublikasynyň Hökümetiniň arasynda Hazar deňzinde “Dostluk” ýatagynyň uglewodorod serişdelerini bilelikde gözlemek, işläp geçmek we özleşdirmek barada özara düşünişmek hakyndaky Ähtnama gol çekildi.
Bu möhüm resminama dünýä metbugatynda giň gyzyklanma döretdi. Şonuň netijesinde, ABŞ-da ýerleşýän Merkezi Aziýa-Kawkaz instituty (CACI) we Ýüpek ýoluny öwreniş maksatnamasy tarapyndan onlaýn tertipde “Türkmenistan- Azerbaýjan Hazar şertnamasy: Uly sebit hyzmatdaşlygy mümkinçiligi” atly forum geçirildi.
Onuň işine Türkmenistanyň ABŞ-daky Adatdan daşary we Doly ygtyýarly ilçisi Meret Orazow, Azerbaýjanyň ABŞ-daky Adatdan daşary we Doly ygtyýarly ilçisi Elin Süleýmanow, Atlantik geňeşiniň uly işgäri ilçi Metýu Braýz dagy gatnaşdy.
Merkezi Aziýa-Kawkaz instituty (CACI) we Ýüpek ýoluny öwreniş maksatnamasy ýolbaşçysy Frederik Starryň alyp barmagynda geçirilen onlaýn forumda çykyş eden Türkmenistanyň ABŞ-daky Adatdan daşary we Doly ygtyýarly ilçisi Meret Orazow ýurdumyz barada gysgaça maglumat berip, şu ýyl Türkmenistanyň Garaşsyzlygynyň 30 ýyllygyny belleýändigini belledi. Ol ABŞ, Azerbaýjan ýaly ýurtlar bilen ysnyşykly gatnaşyklaryň alnyp barylýandygyny, Azerbaýjan bilen köp meseleler boýunça utgaşykly gatnaşyklaryň ýola goýlandygyny belledi. ABŞ bilen gatnaşyklaryň “C5+1” formatynda hem üstünlikli ösdürilýändigini bellän ilçi Hazar sebiti babatda Hazar deňziniň hukuk derejesi hakynda Konwensiýa kabul edilmegi bilen ikitaraplaýyn gatnaşyklaryň ösdürilýändigini, 2019-njy ýylda Birinji Hazar ykdysady forumynyň geçirilendigini, Azerbaýjan Respublikasy bilen Hazar deňzinde “Dostluk” ýatagynyň uglewodorod serişdelerini bilelikde gözlemek, işläp geçmek we özleşdirmek barada özara düşünişmek hakyndaky Ähtnamanyň gol çekilmeginiň taryhy wakadygyny aýtdy. Şeýle hem ilçi Azerbaýjan bilen ulag ulgamynda hem hyzmatdaşlygyň ösdürilýändigini, muňa “Lapis-Lazuli” ulag-üstaşyr geçelgesiniň mysal bolup durýandygyny belledi.
Azerbaýjanyň ABŞ-daky Adatdan daşary we Doly ygtyýarly ilçisi Elin Süleýmanow hem öz çykyşynda Türkmenistan bilen gatnaşyklaryna ýokary baha berdi. Ilçi Hazardaky uglewodorod serişdelerini bilelikde özleşdirmek boýunça gol çekilen ähtnamanyň uly wakadygyny belledi. Şeýle hem ol Azerbaýjanyň iri netbigaz infrastrukturasy barada gysgaça maglumat berdi.
Atlantik geňeşiniň uly işgäri ilçi Metýu Braýz öz çykyşynda “Dostluk” ýatagynyň Türkmenistanyň we Azerbaýjanyň ösüşine däl, eýsem sebitiň ösüşine oňyn täsirini ýetirjekdigini belledi. Türkmenistanyň baý uglewodorod serişdelerine eýedigini, tebigy gaz gorlary boýunça dünýäde 4-nji orunda durýandygyny bellän Braýz Türkmenistanyň hem energiýa serişdeleriniň dünýä bazaryna çykarylmagyny diwersifikasiýalaşdyrmak ugrunda uly işleri edýändigini belledi. Ilçi Braýz Hazar deňzi boýunça hyzmatdaşlygyň Owganystana hem oňyn täsirini ýetirjekdigini belledi.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
Hoş habar -Täze Applikasiýa: Makul Sözlük
Makul Sözlük (www.makulsozluk.com ) özüniň “Android” ulgamynda hereket edýän täze applikasiýasyny-Makul Sözlük applikasiýasyny hödürleýär. Toparymyz düýn Kompýuterlerdäki “Chrome Browserde” ulanmaga mümkinçilik berýän täze “Browser goşundysyny”-Makul Sözlük goşundysyny ulanmaga taýýar eden bolsa, şu gün “Android” applikasiýasyny herekete girizdi. Şeýlelikde, köp sanly “Makul Sözlük” ulanyjylary, diňe www.makulsozluk.com saýtyna girmek bilen bu sözlükden peýdalanman, eýsem, kompýuterlerinde “Makul Sözlük” goşundysyny, Android ulgamyndaky mobil telefonlarynda bolsa “Makul Sözlük” applikasiýasyny ulanyp bilerler. Ýakynda IOS ulgamynda hereket edýän Applikasiýamyz hem hereket edip başlar.