Türkmen türgenleri V Yslam Raýdaşlygy oýunlarynda medal gazanmagy dowam etdirýärler. Türkmen türgenleriniň nobatdaky medaly sportuň grek-rim görnüşi boýunça guralan bäsleşiklerinde gazanyldy.
Mundan ozal, Ýulduz Jumabaýewa we Kristina Şermetowa agyr atletika ýaryşlarynda öz agramlarynda çykyş edip, ýurdumyza medallar gazandyran bolsa, grek-rim göreşi boýunça 63 kilogram agram derejesindäki ýaryşda Azatjan Açilow bürünç medalyň eýesi boldy.
V Yslam Raýdaşlygy oýunlarynyň resmi saýtyndaky habara görä, grek-rim göreşi boýunça 63 kilogram agram derejesindäki ýaryşda eýranly türgen Şirzad Ali gyrgyz türgeni Tynar Şarşenbekowy 4:2 hasbaynda ýeňip altyn medala mynasyp boldy.
Bürünç medallary türkmen türgenleri Azarjan Açilow bilen täjik türgeni Firuz Mirzorajabow eýelediler.