Habib Nurmagomedowyň dogany Usman Nurmagomedow çempionlyk ýaryşynda mynasyp oýun görkezip, çempionlyk kemerini goramagy başardy.
7-nji sentýabrdan 8-nji sentýabra geçilen gije Amerikanyň San-Diego şäherinde ” Bellator Champions Series 4″ ýaryşynyň çäklerinde duşuşyk geçirildi. Şonda ýeňil agramda çykyş edýän Usman Nurmagomedow özüniň watandaşy russiýaly türgen Aleksandr Şabliý bilen duşuşdy. Tutluşyk emin agzalarynyň birgazyk çykan netijesi bilen Usman Nurmagomedowyň ýeňşi bilen tamamlandy.
Şeýlelikde, Usman Nurmagomedow ýeňil agramda “Bellatorw” çempionlyk kemerini gorady.
26 ýaşyndaky Usman 2017-nji ýylda sportuň başa-baş göreşi bilen dürli ýaryşlara çykyp ugrady. Ol 2021-nji ýylda “Bellator” ýaryşlarynyň çäklerinde özüni görkezip başlady we 2022-nji ýylda brazil türgen Patrik Freýräni ýeňip, çempionlyk kemerini aldy.
Şoňa çenli Usman 17 gezek ýeňiş gazanyp, hiç ýeňlip görmändi.