Dünýäniň iň baý işewürlerinden Ilon Mask satyn alan “Twitter” jemgyýetçilik torunda düýpli özgerişlikleri amala aşyrýar. Ilkinji gezek bu jemgyýetçilik torunyň mahabat girdejisi 50 göterim azaldy. Häzirki wagtda Mask “Twitter” torunyň nyşanyny üýtgetmegi meýilleşdirýär.
Köp sanly jemgyýetçilik tory yzarlaýjylaryň aňynda galan “guşyň” keşbindäki nyşanyň ornuny “X” harpy alar.
Mask bu barada beren beýanatynda ýakyn wagtda jemgyýetçilik torunyň täze nyşanyny hödürlenjekdigini belledi.
“SpaceX” we “Tesla” ýaly kompaniýalaryň esaslandyryjysy Ilon Mask “Twitter” jemgyýetçilik toruny geçen ýylyň oktýabr aýynda satyn alypdy.