Futbol boýunça Türkmenistanyň zenanlar ýygyndysy taryhynda ilkinji gezek FIFA-nyň sanawyndan orun aldy. Zenanlar ýygyndy toparymyz FIFA-nyň täzelenen reýtinginde 137-nji orunda ornaşdy. Bu barada FIFA-nyň resmi saýtynda aýdylýar.
Ýurdumyzyň zenanlar ýygyndysy FIFA-nyň reýtingine Merkezi Aziýanyň Futbol Assosiasiýasy tarapyndan Duşenbe şäherinde geçirilen halkara ýaryşyndaky çykyşyndan soň sanawa goşuldy.
Ýeri gelende bellesek, ýygyndy toparymyz halkara ýaryşynda dört duşuşyga gatnaşyp iki utuk toplamagy başardy.
FIFA-nyň reýtinginde ýokarky orny ABŞ-nyň ýygyndysy eýeleýär. Ikinji orunda Angliýanyň ýygyndy topary ornaşmagy başardy.