DÜNÝÄ

Türkmenistanyň Waşingtondaky ilçihanasy küşt boýunça ýaryş geçirdi

2024-nji ýylyň 23-nji aprelinde Türkmenistanyň Waşingtondaky Ilçihanasy Magtymguly Pyragynyň doglan gününiň 300 ýyllygy mynasybetli beýik türkmen şahyrynyň we akyldarynyň ömrüni we mirasyny bellemek üçin ajaýyp meýdança öwrülen küşt boýunça ýaryş gurady. Çärä Merkezi Aziýa ýurtlarynyň, Türkiýäniň, Russiýa Federasiýasynyň, Gruziýanyň we Belarusiýanyň diplomatlary gatnaşdylar.

Çäräniň başynda Ilçi Meret Orazow Magtymguly Pyragynyň ömri we döredijiligi barada çykyş edip, türkmen halkynyň nusgawy şahyrynyň edebi mirasynyň aýratyn ähmiýetini nygtady.

Duşuşygyň çäklerinde Magtymguly Pyragynyň edebi eserleri bilen bilelikde, türkmen edebiýatyny we medeni mirasyny şöhlelendirýän sergi guraldy.

Çäräniň ahyrynda ýaryşyň ýeňijilerine Magtymguly Pragynyň kitaplary we ýadygärlik sowgatlar gowşuryldy.

Ýene-de okaň

Aziýa ösüş banky Aşgabatda Lukmançylyk orta okuw mekdebiniň gurluşygyny maliýeleşdirer

Ata Watan Eserleri

Balkanly gallaçylaryň zähmet ýeňşi

Türkmenistanyň Ilçisiniň Gruziýanyň Milli kitaphanasynyň Baş direktory bilen duşuşygy

Türkmen-ýapon ykdysady hyzmatdaşlygy maslahatlaşyldy

Anjeý Madeý Türkmenistandaky 28 ýyllyk attaşelik wezipesini tamamlady

Özbegistan Türkmenistanyň kömegi bilen öz raýatlaryny Eýrandan alyp gaýdýar