Türkmenistanyň Prezidenti Serdar Berdimuhamedow Balkan welaýatyna iş saparyny amala aşyryp, gurluşyk we senagat toplumynyň işgärleriniň güni mynasybetli günbatar welaýatynda birnäçe möhüm senagat desgalarynyň düýbüniň tutulyş hem-de açylyş dabaralaryna gatnaşdy.
“Watan” habarlar gepleşiginde bellenilip geçilişi ýaly, hormatly Prezidentimiz Balkan welaýatynyň Türkmenbaşy etrabynyň çäginde guruljak kuwwatlylygy ýylda 1 million 155 müň tonna mineral dökün öndürýän täze karbamid zawodynyň düýbüniň tutulyş dabarasy gatnaşdy.
Bu kuwwatly toplum Türkiýäniň “Gap Inşaat” hem-de Ýaponiýanyň “Mitsubishi Heavy Industries” kompaniýalarynyň konsorsiumy tarapyndan gurlar.
Bu senagat toplumy uly möüberli maýa goýum taslamasy bolup durýar. Täze toplumyň gurluşygynda Ýewropanyň hem-de Aziýanyň öňdebaryjy kompaniýalarynyň kämil tehnologiýalary ornaşdyrylar. Bu ýerde bir gije-gündizde 2000 müň tonna, ýylda bolsa 660 müň tonna ammiak öndüriler we çig mal hökmünde karbamid önümçiliginde peýdalanylar. Umuman, bu toplamda bir gije-gündiziň dowamynda 3500 tonna, bir ýylda bolsa 1 million 155 müň tonna karbamid döküni öndüriler. Bu döwrebap kärhanada öndüriljek önümler daşary ýurt bazarlaryna eksport ediler. Täze kärhanada 1 müň täze iş orny dörediler.