Hormatly Prezidentimiz Ministrler Kabinetiniň hem-de Döwlet Howpsuzlyk Geňeşiniň bilelikdäki sanly wideoaragatnaşyk arkaly giňişleýin mejlisini geçirdi. Onda guramaçylyk wezipelerine seredildi. Bu barada “Watan” habarlar gepleşiginde bellenilip geçildi.
Milli Liderimiz döwlet dolandyryş ugruny mundan beýläk-de kämilleşdirmek, hökümetiň işini has-da gowulandyrmak maksady bilen Ministrler Kabinetiniň düzümine Ministrler Kabinetiniň Başlygynyň ýene-de bir orunbasarynyň wezipesini girizmek, ony Döwlet Howpsuzlyk Geňeşiniň agzalygyna hem-de Ýokary Gözegçilik edarasynyň başlygy wezipesine bellemek hakynda karara gelendigini belledi.
Hormatly Prezidentimiz Ministrler Kabinetiniň Başlygynyň täze orunbasary wezipesi döwlet we jemgyýetçilik gurluşynda, bilim we saglygy goraýyş, maliýe we ykdysadyýet ulgamlarynda sanly ulgamy we innowasion tehnologiýalary doly derejede ösdürmekden, bu işlere gözegçilik etmekden ybaratdygyny aýtdy.
Hormatly Prezidentimiziň Permany bilen Serdar Gurbangulyýewiç Berdimuhamedow Türkmenistanyň Ministrler Kabinetiniň Başlygynyň orunbasary, Türkmenistanyň Ýokary Gözegçilik edarasynyň başlygy wezipelerine bellenip, Türkmenistanyň Döwlet Howpsuzlyk Geňeşiniň düzümine girizildi.
S.Berdimuhamedow Türkmenistanyň Senagat we gurluşyk önümçiligi ministri wezipesinden boşadyldy.
Baýmyrat Annamämmedow Türkmenistanyň Senagat we gurluşyk önümçiligi ministri wezipesine bellenip, Senagat we gurluşyk önümçiligi ministriniň orunbasary wezipesinden boşadyldy.
Siz habarlar saýtymyza girilen dessine Size bildiriş gelmegini isleýän bolsaňyz onda “Atavatan Türkmenistan” halkara žurnalynyň www.atavatan-turkmenistan.com saýtynyň ýakynda hyzmata giren Android ulgamynda işleýän Applikasyýasyny şu ýere basyp ýa-da aşakdaky suratyň üstine basyp öz telefonyňyza ýükläp alyň! Eger Siz bu habary kompýuteriň üsti bilen okaýan bolsaňyz, el telefonyňyzyň Google Plaý dükanyndan “Atavatan Turkmenistan” ýazyp biziň Applikasyýamyzy indirip mugt alyp bilersiňiz!
Hoş habar -Täze Applikasiýa: Makul Sözlük
Makul Sözlük (www.makulsozluk.com ) özüniň “Android” ulgamynda hereket edýän täze applikasiýasyny-Makul Sözlük applikasiýasyny hödürleýär. Toparymyz düýn Kompýuterlerdäki “Chrome Browserde” ulanmaga mümkinçilik berýän täze “Browser goşundysyny”-Makul Sözlük goşundysyny ulanmaga taýýar eden bolsa, şu gün “Android” applikasiýasyny herekete girizdi. Şeýlelikde, köp sanly “Makul Sözlük” ulanyjylary, diňe www.makulsozluk.com saýtyna girmek bilen bu sözlükden peýdalanman, eýsem, kompýuterlerinde “Makul Sözlük” goşundysyny, Android ulgamyndaky mobil telefonlarynda bolsa “Makul Sözlük” applikasiýasyny ulanyp bilerler. Ýakynda IOS ulgamynda hereket edýän Applikasiýamyz hem hereket edip başlar.
Ýurdumyzda we dünýäde bolup geçýän ykdysadyýete degişli täzeliklerden “habardar” bolmak isleýän bolsaňyz, bu sahypa Siziň üçin!
