2022-nji ýylyň 7-nji sentýabrynda Türkmenistanyň Koreýa Respublikasyndaky Adatdan daşary we Doly ygtyýarly ilçisi Begenç Durdyýew bilen Koreýa Respublikasynyň Daşary işler ministriniň protokol meseleleri boýunça orunbasary Rýu Jeongýunyň arasynda duşuşyk geçirildi.
Söhbetdeşligiň barşynda Rýu Jeongýun Türkmenistanyň Ilçisini jogapkärli wezipä bellenmegi bilen gutlady hem-de onuň geljekki diplomatik işinde üstünlikleri arzuw etdi.
Duşuşygyň dowamynda taraplar syýasy-diplomatik, söwda-ykdysady we medeni-ynsanperwer ulgamlaryndaky ikitaraplaýyn gatnaşyklaryň oňyn netijeler bilen ösdürilmegi barada belläp geçdiler.
Iki dostlukly döwletiň arasyndaky özara gatnaşyklaryny berkitmek ugrunda esas bolup durýan iň ýokary derejedäki gepleşikleri, şol sanda Türkmenistanyň we Koreýa Respublikasynyň Parlament ýolbaşçylarynyň arasyndaky duşuşyklary gurnamak boýunça tejribesini dowam etdirilmeginiň wajypdygy aýratyn bellenip geçildi.
Duşuşygyň çäklerinde Türkmenistanyň Koreýa Respublikasyndaky täze bellenen Ilçisi B.Durdyýew Koreýa Respublikasynyň Daşary işler ministriniň orunbasary Rýu Jeongýuna öz ynanç hatlarynyň nusgalaryny gowşurdy.