Şu gün Türkmenistanyň Prezidenti, Türkmenistanyň Ýaragly Güýçleriniň Belent Serkerdebaşysy Serdar Berdimuhamedow Döwlet howpsuzlyk geňeşiniň giňişleýin göçme mejlisini geçirdi. Onda ýurdumyzyň harby we hukuk edaralarynyň 2025-nji ýylda alyp baran işleriniň netijelerine seredildi.
“Watan” habarlar gepleşiginde bellenilip geçilişi ýaly, Türkmenistanyň Prezidenti Serdar Berdimuhamedow Döwlet serhet gullugynyň başlygy – Serhet goşunlarynyň serkerdebaşysy, general-maýor Ýazgeldi Nuryýewi eýeleýän wezipesinden boşatdy.
Bu wezipä gullugyň başlygynyň orunbasary polkownik Ilaman Ilamanow bellendi.
Şunuň bilen bilelikde, Ilaman Ilamanow Türkmenistanyň Döwlet serhet gullugynyň başlygynyň orunbasary – baş karargähiň serkerdesi wezipesinden boşadyldy.