2026-njy ýylyň 12-nji awgustynda Türkmenistanyň daşary işler ministri Raşid Meredowyň Ýewropa Bileleşiginiň Türkmenistandaky Adatdan daşary we Doly ygtyýarly Ilçisi Beata Peksa bilen duşuşygy geçirildi.
Duşuşygyň dowamynda türkmen-ýewropa hyzmatdaşlygynyň häzirki ýagdaýy we ony mundan beýläk-de ösdürmegiň geljegi, şeýle hem halkara we sebitleýin gün tertibiniň möhüm meseleleri boýunça pikir alşyldy.
Taraplar Türkmenistan bilen Ýewropa Bileleşiginiň arasyndaky hyzmatdaşlygy berkitmekde we giňeltmekde yzygiderli syýasy gepleşikleriň hem-de konstruktiw özara hymatdaşlygynyň ähmiýetini nygtadylar. Daşky gurşawy goramak we Hazar deňziniň ekoulgamyny saklap galmak ulgamynda özara hyzmatdaşlygyň wajyplygy aýratyn bellenildi.