Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow 4-nji Hindistan-Merkezi Aziýa dialogyna gatnaşýar.
Hindistanyň daşary işler ministri S.Jaýşankar 2025-nji ýylyň 6-njy iýunynda Hindistan-Merkezi Aziýa dialogynyň 4-nji mejlisi üçin Gazagystanyň, Gyrgyzystanyň, Täjigistanyň, Türkmenistanyň we Özbegistanyň daşary işler ministrlerini kabul eder. Bu duşuşyk 2021-nji ýylyň dekabrynda Täzeu-Delide geçirilen dialogyň 3-nji mejlisinden soňra Hindistan bilen Merkezi Aziýanyň arasyndaky gatnaşyklary çuňlaşdyrmak ugrundaky ygrarlylygyň nobatdaky subutnamasydyr.
4-nji dialogyň mejlisiniň barşynda söwda, aragatnaşyk, tehnologiýa we ykdysady ösüş hyzmatdaşlygy ugurlaryna garalar. Ministrler sebitdäki howpsuzlyk meseleleri hem-de beýleki sebitara we halkara meseleler barada pikir alşarlar.
Şeýle hem Hindistanyň we Merkezi Aziýanyň daşary syýasat edaralarynyň ýolbaşçylary Hindistanyň Daşary işler ministrligi (MEA) bilen Hindistan Söwda-senagat palatalary federasiýasynyň (FICCI) bilelikde gurnajak Hindistan-Merkezi Aziýa işewürler forumyna gatnaşarlar.