Şu ýylyň 9 — 12-nji oktýabrynda Türkmenistanyň saglygy goraýyş we derman senagaty işgärleriniň güni mynasybetli ýurdumyzda birnäçe saglyk merkezleri açylyp ulanmaga berler.
Açylyp ulanmaga beriljek desgalaryň hatarynda Aşgabat şäherinde Halkara fiziologiýa ylmy-kliniki merkezi we Halkara sagaldyş-dikeldiş merkezi, Türkmenabat şäherinde buýan kökünden glisirrizin turşusyny öndürýän kärhana, Mary şäherinde Mary welaýatynyň we Mary şäheriniň Arassaçylyk we keselleriň ýaýramagyna garşy göreşmek gullugynyň edara binalary bar.
“Watan” habarlar gepleşiginde bellenilip geçilişi ýaly, şol günlerde Aşgabatda «Saglygy goraýyş, bilim we sport Berkarar döwletiň täze eýýamynyň Galkynyşy döwründe» atly halkara sergi we ylmy maslahat geçiriler. Myrat Garryýew adyndaky Türkmenistanyň döwlet lukmançylyk uniwersitetinde zähmetde tapawutlanan saglygy goraýyş işgärlerine döwlet sylaglary gowşurylar.