Türkmenistan çaga dogumynda gyssagly akuşerçilik kömegini bermekde zerur bolan lukmançylyk enjamlaryny satyn aldy.
Elektrohirurgiýa enjamlary we aspiratorlar BMG-niň Ilat Gaznasynyň ýardamy bilen Türkmenistanyň Saglygy goraýyş we derman senagaty ministrliginiň býujet serişdeleriniň hasabyna satyn alyndy.
Çaga dogumynda gyssagly akuşer kömegi zerur bolan wagtda bu lukmançylyk enjamlary ulanylanda enäniň ölüm howpuny 75 göterim azaldyp bilýär. Bu barada BMG-niň Ilat Gaznasy özüniň jemgyýetçilik hasabynda mälim edýär. Gyssagly akuşer kömegi üçin zerur bolan enjamlar mundan ozal 2012-nji ýylda saglygy goraýyş edaralarynda ornaşdyrylypdy we ol yzygiderli täzelenip gelinýär.