29-njy sentýabrda Türkiýe Respublikasynyň Bursa welaýatynyň Iznik etrabynda Çarwadarlaryň dördünji Bütindünýä oýunlary badalga alar. Bu oýunlara türkmen wekiliýeti hem gatnaşar.
Nobatdaky sport baýramçylygynda türkmen türgenleri sportuň birnäçe görnüşleri boýunça ýaryşlara gatnaşarlar.
Oýunlara gatnaşmak üçin Türkiýe Respublikasynda boljak türkmen toparyna 42 adam wekilçilik eder. Şolaryň 30-sy türgenlerdir, 6-sy tälimçiler, 6-sy bolsa resmi wekiller hem-de sport hünärmenleridir.
Çarwadarlaryň dördünji Bütindünýä oýunlary 2-nji oktýabrda tamamlanar.
29-njy sentýabrda badalga aljak Çarwadarlaryň dördünji Bütindünýä oýunlary 4 gün dowam eder. Oňa dünýäniň 102 döwletinden türgenleriň gatnaşmagyna garaşylýar.