JEMGYÝET

Türkmenistan bilen Sierra-Leone Respublikasynyň arasynda diplomatik gatnaşyklar ýola goýuldy

2020-nji ýylyň 15-nji iýunynda Türkmenistanyň Eýran Yslam Respublikasyndaky Ilçihanasynyň binasynda Türkmenistan bilen Sierra-Leone Respublikasynyň arasynda diplomatik gatnaşyklary ýola goýmak hakynda Teswirnama gol çekmek dabarasy geçirildi.

Resminama türkmen tarapyndan Türkmenistanyň Eýran Yslam Respublikasyndaky Adatdan daşary we Doly ygtyýarly Ilçisi A.Gurbanow hem-de Sierra-Leone tarapyndan Sierra-Leone Respublikasynyň Eýran Yslam Respublikasyndaky Adatdan daşary we Doly ygtyýarly Ilçisi Kamara Ali Badara tarapyndan gol çekildi.

Gol çekmek dabarasynyň öňünden Ilçiler Türkmenistanyň we Sierra-Leoneniň arasyndaky hyzmatdaşlygyň oba hojalygy, geologiýa, maýa goýumlar ýaly ulgamlary bilen bir hatarda gatnaşyklaryň ileri tutulýan beýleki ugurlaryny hem ara alyp maslahatlaşdylar. Türkmenistanyň toplan tejribesiniň nazarda tutulmagy bilen lukmançylyk hyzmatlaryny bermek ulgamynda özarahereket etmegiň meseleleri hem ara alnyp maslahatlaşyldy. Kärdeşler iki ýurduň arasyndaky dostlukly gatnaşyklaryň işjeň ýagdaýda ösdürilmegine ynam bildirdiler.

Sierra Leone ýa-da resmi taýdan Sierra-Leone Respublikasy Günbatar Afrikada ýerleşýän ýurt. Göwher känleri taýdan örän baý ýurt.

Ýene-de okaň

Nepalyň Premýer-ministri Türkmenistana geler

“Makul habar”: şu gezekki sany BMG-niň Awaza forumyna bagyşlandy

Ata Watan Eserleri

Gazagystanyň Prezidenti BMG-niň Awaza forumyna gatnaşar

BMG-niň Awaza forumy: dünýäniň ünsi Awazada jemlener

Ata Watan Eserleri

Türkmenistanyň Prezidenti Balkan welaýatyna iş saparyny amala aşyrdy

Ata Watan Eserleri

BMG-niň Awaza forumy üçin aragatnaşygyň döwrebap mümkinçilikleri hödürlener