Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Filippinler Respublikasynyň Prezidenti Ferdinand Romualdes Markosa hem-de ýurduň halkyna Türkmenistan bilen Filippinler Respublikasynyň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny we iň gowy arzuwlaryny iberdi.
Döwlet Baştutanymyz ýurtlarymyzyň arasyndaky gatnaşyklaryň birek-birege hormat goýmak, deňhukuklylyk hem-de özara ynanyşmak ýörelgelerine esaslanýandygyny belläp, Türkmenistanyň ikitaraplaýyn gatnaşyklary giňeltmäge gyzyklanma bildirýändigini nygtady hem-de bilelikdäki tagallalar arkaly iki halkyň bähbitlerine döwletara hyzmatdaşlygynyň mundan beýläk-de ösdüriljekdigine ynam bildirdi.
Hormatly Prezidentimiz şu ýakymly mümkinçilikden peýdalanyp, Prezident Ferdinand Romualdes Markosa berk jan saglyk, bagtyýarlyk we abadançylyk, Filippinler Respublikasynyň halkyna bolsa, mundan beýläk-de ösüş hem-de rowaçlyk arzuw etdi.