Beýik Britaniýanyň we Demirgazyk Irlandiýanyň Birleşen Patyşalygynyň Pakistandaky ýokary komissary hanym Jeýn Merriot Türkmenistanyň Yslamabatdaky ilçihanasyna bardy.
Duşuşykda taraplar sebitdäki ýagdaýlara syn berdiler. Olar Owganystanda ýagdaýy durnuklaşdyrmak we parahatçylygy berkitmek boýunça umumy gyzyklanmalaryny mälim etdiler.
Türkmenistanyň ilçisi A.Möwlamow Bitarap Türkmenistanyň sebitde we onuň daşynda ykdysady ösüşi höweslendirmäge, parahatçylygy we howpsuzlygy berkitmäge gönükdirilen syýasaty barada gürrüň berdi.
Ol Türkmenistanyň hökümetiniň Owganystan bilen bagly infrastruktura we energiýa taslamalaryny durmuşa geçirmäge, şeýle hem owgan halkyna ynsanperwer kömegini bermäge ygrarlydygy barada belläp geçdi.
Hanym J. Merriot hoşniýetli goňşuçylyk we özara bähbitli hyzmatdaşlyk ýörelgelerine esaslanýan Türkmenistanyň daşary syýasatyna ýokary baha berdi.