“Türkmenistan” awiakompaniýasy Moskwa ugry boýunça amala aşyrýan ýolagçy uçar gatnawlarynyň sanyny artdyrýar. Kompaniýa aprle aýynyň ahyrynda bu ugur boýunça gatnaw sany 3-den 4-ä ýetiriler. Bu barada “Türkmenportal” neşiri habar berýär.
Mundan beýläk, “Türkmenistan” awiakompaniýasy Moskwa ugry boýunça amala aşyrýan ýolagçy uçar gatnawlary her hepdäniň sişenbe, çarşenbe, anna we şenbe günleri ýerine ýetirer. Mundan ozal, bu awiakompaniýanyň bu ugurdaky gatnawlary sişenbe, çarşenbe we anna günleri amala aşyrylýardy.
“Türkmenistan” awiakompaniýasy Aşgabatdan Russiýanyň paýtagty Moskwa şäheriniň Domodedowo howa menziline uçar gatnawlaryny ýerine ýetirýär.
Mälim bolşy ýaly, halkara uçar gatnawlarynyň geografiýasyny kem-kemden giňeldýän “Türkmenistan” awiakompaniýasy Aşgabatdan Dubaý, Pekin, Täze Deli, Frankfurt, Stambul, Kazanawe Moskwa şäherlerine adaty ýolagçy uçar gatnawlaryny ýerine ýetirýär.