Häzirki wagtda Özbegistanyň paýtagty Daşkent şäherinde agyr atletika boýunça Dünýä çempionaty dowam edýär. Bu çempionatda Türkmenistan döwletimize wekilçilik edýän Yulduz Jumabaýewa ilkinji medaly gazandy.
49 kilograma çenli agram derejesinde bäsleşen Ýulduz Jumabaýewa ştangany silterläp götermekde 76 kg agramy göterip, bürünç medalyň eýesi boldy.
Ildeşimiz Ýulduz bilen bäsleşen tailandly türgen Suroçana Kambao altyn medalyň eýesi boldy, kümüş medaly bolsa ýaponiýaly türgen Rira Suzuki gazandy.
2018-nji ýylda 45 kilograma çenli agram derejesinde dünýäniň çempiony bolmagy başaran Ýulduz Jumabaýewa şu ýyl Türkmen döwlet bedenterbiýe we sport institutyny tamamlap, dogduk etrabynda ― Daşoguz welaýatynyň Gurbansoltan eje adyndaky etrabynda tälimçi bolup işe başlady. Ol karýerasyndaky esasy üstünliklerini Aşgabatda geçirilen halkara ýaryşlarda gazandy. Has takygy, 2017-nji ýylda paýtagtymyzda geçirilen Aziýa çempionatynda bürünç medala mynasyp bolan Ýulduz şondan bir ýyl soňra ýene-de Aşgabatda dünýäniň çempiony boldy.
Türkmen agyr atletikaçylarynyň dünýä çempionatyndaky çykyşlary başlanýar