2025-2026-njy okuw ýylynda Türkmenistanyň ýaşlaryny Hytaý Halk Respublikasynyň we Wengriýanyň ýokary okuw mekdeplerine ibermek barada hasabat berildi.
“Watan” habarlar gepleşiginde bellenilip geçilişi ýaly, Ministrler Kabinetiniň Başlygynyň orunbasary Baýramgül Orazdurdyýewa hasabatynda türkmen ýaşlaryny Hytaýyň we Wengriýanyň ýokary okuw mekdeplerine ibermek barada belläp geçdi.
Bellenilişi ýaly, türkmen ýaşlarynyň bu dostlukly ýurtlaryň ýokary okuw mekdeplerine maglumat tehnologiýalary, saglygy goraýyş we lukmançylyk ylymlary, bilim we pedagogika ylymlary, oba hojalyk ylymlary, inženerçilik işi, tehnologiýalar we tehniki ylymlary, matematika we tebigy ylymlary ugurlary boýunça ibermegi maksadalaýyk hasaplanylýar.
Şunuň bilen baglylykda, hormatly Prezidentimize garamagyna degişli teklip hödürlendi.
Hormatly Prezidentimiz 2025-2026-njy okuw ýylynda Hytaý Halk Respublikasynyň we Wengriýa Respublikasynyň abraýly bilim edaralaryna ýaşlary okuwa ibermek babatda taýýarlanan teklibi goldap, wise-premýere bu ugurda degişli işleri geçirmegi tabşyrdy.