Özbegistana syýahat etmek isleýän Türkmenistandan syýahatçylar üçin maglumat merkezi “Daşoguz-Şawat” barlag nokadynyň çäginde açyldy. Bu barada Özbegistan Respublikasynyň Syýahatçylyk ulaglary assosiasiýasynyň resmi saýtynda bellenilip geçilýär.
Merkezde Özbegistana barmazdan ozal ähli zerur maglumatlary, şol sanda ýurtda bolmagyň tertibi, medeni, güýmenje we köpçülikleýin çäreler, syýahatçylyk ýerleri, dynç alyş üçin meşhur ugurlar barada maglumat alyp bilersiňiz.
Şeýle hem syýahatçylar awia we demirýol biletlerini, myhmanhanalarda otaglary sargyt edip bilerler, Özbegistanyň çäginde internet hyzmatlaryndan peýdalanmak hem-de sim-karta satyn almak üçin tölegler edip bilerler.
Merkeziň hünärmenleri Özbegistana barýan myhmanlara “E-mehmon” (“E-myhman”) ulgamynda hasaba durmaga kömek ederler.
Merkez Türkmenistanyň Prezidenti Serdar Berdimuhamedowyň we Özbegistanyň Prezidenti Şawkat Mirziýoýewiň arasyndaky gepleşikleriň netijesinde gazanylan ylalaşyklaryň netijesinde mümkin boldy.
Özbegistanyň Statistika edarasynyň maglumatyna görä, 2023-nji ýylyň ýanwar-iýun aýlarynda 29,5 müň Türkmenistanyň raýaty syýahatçylyk masady bilen Özbegistana bardy. Degişli hasabat döwründe Özbegistan 3,1 million jahankeşde kabul etdi.