15-20-nji awgust aralygynda Türkiýäniň paýtagty Ankarada Baskent Open 2023 halkara açyk küşt ýaryşy geçirdi. Biziň watandaşymyz, halkara grossmeýsteri Meýlis Annaberdiýew (reýtingi 2482) kümüş medal gazandy, ol diňe Gruziýaly türgen, halkara ussady Nikolozy Petriaşwiliden (reýtingi 2458) yza galdy. Meýlis ýaryşa, iň güýçli oýunçylaryň bäsleşýän kategoriýasy bolan, A dereje boýunça gatnaşdy.
Şol ýaryşda çagalaryň arasynda, ýene-de bir türkmen küştçisi Osman Hamrakulyýew 10 ýaşa çenli kategoriýada altyn medal gazandy. Ol Türkmenistanly halkara grossmeýsteri Maksat Atabaýewiň okuwçysy, diýip Orient habar berýär.
Bäsleşikde ulular dört kategoriýa (A, B, C, D) çagalar bolsa, üç kategoriýa (10, 12, 14 ýaşa çenli) boýunça bäsleşdiler. Umuman alanyňda, 8 ýurtdan 600-den gowrak gatnaşyjy açyk küşt ýaryşynyň meýdançalaryna ýygnandylar.
Baskent Open 2023 ýaryşy Baskent uniwersiteti we Türk küşt federasiýasy tarapyndan bilelikde gurnalýar. Bu ýaryşyň umumy baýrak gaznasy 350 müň türk lirasy boldy.