Şu gün türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Türkmenistanyň Halk Maslahatynyň Diwanynyň Iş dolandyryjysy, Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň ýerine ýetiriji direktory Rejep Bazarowyň hem-de Türkmenistanyň Ylymlar akademiýasynyň ýolbaşçysy Allaberdi Aşyrowyň gatnaşmagynda iş maslahatyny geçirdi. Bu barada “Watan” habarlar gepleşiginde bellenilip geçildi.
Türkmen halkynyň Milli Lideri “Pähim-paýhas ummany Magtymguly Pyragy” ýylynda uly özgerişlikleriň amala aşyrylandygy belledi. Halk Maslahatynyň Başlygy däp bolşy ýaly, zähmet rugsadynda we dynç alyş günlerinde döredijilik işleri bilen meşgul bolup, şöhratly taryhymyz barada toplan ençeme maglumatlary kagyza geçirip, täze kitabyny ýazyp tamamlandygyny aýtdy.
Bu kitaba “Hakyda göwheri” diýip atlandyrandygyny bellän türkmen halkynyň Milli Lideri täze kitabyň ilkinji nusgasynyň çap çykandygyny belledi.