Şu gün Aşgabadyň halkara howa menzilinde türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň, Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşygy boldy.
Ýurdumyza sapar bilen gelen belent mertebili myhman türkmen myhmansöýerliginiň iň gowy däplerine laýyklykda, mähirli garşylandy.
Duşuşygyň barşynda Türkmenistanyň Prezidentiniň başlangyjy esasynda BMG-niň Baş Assambleýasynyň ýörite Kararnamasy esasynda 2025-nji ýylyň Halkara parahatçylyk we ynanyşmak ýyly diýlip yglan edilendigi bellenildi.
Şunuň bilen baglylykda, türkmen halkynyň Milli Lideri 2025-nji ýylyň 12-nji dekabrynda Halkara parahatçylyk we ynanyşmak forumynyň geçiriljekdigini aýtdy we Şeýh Mansur bin Zaýed Al Nahaýýana Birleşen Arap Emirlikleriniň Prezidenti Şeýh Mohammed bin Zaýed Al Nahaýýan üçin bu halkara forumyna çakylyk hatyny gowşurdy.
Duşuşygyň barşynda bellenilip geçilişi ýaly, Birleşen Arap Emirlikleri bilen döwletara gatnaşyklarynyň ösdürilmegi Türkmenistanyň daşary syýasatynyň möhüm ugurlarynyň biri bolup durýandygy bellenildi.
Şeýle hem duşuşygyň barşynda iki ýurduň arasyndaky hyzmatdaşlyk ugurlary ara alnyp maslahatlaşyldy.
Mundan başga-da, Türkmenistanyň Prezidenti Serdar Berdimuhamedowyň ýurdumyza sapar bilen gelen Birleşen Arap Emirlikleriniň wise-prezidenti, Premýer-ministriniň orunbasary, Prezidentiň iş dolandyryş ministri Şeýh Mansur bin Zaýed Al Nahaýýan bilen duşuşygy boldy.