Saglygy goraýyş we derman senagaty ministrliginiň Halkara okuw-ylmy merkeziniň mejlisler zalynda teleköpri arkaly geçirilýän X türkmen-german forumy öz işine başlady. Oňa wideoaragatnaşyk arkaly Germaniýa Federatiw Respublikasynyň, Halkara okuw-ylmy merkeziniň, Halkara endokrinologiýa we hirurgiýa merkeziniň, Enäniň we çaganyň saglygyny goraýyş ylmy-kliniki merkeziniň, Myrat Garryýew adyndaky Türkmenistanyň Döwlet lukmançylyk uniwersitetiniň, Aşgabat şäheriniň 11-nji saglyk öýüniň, Balkanabat şäheriniň 1-nji saglyk öýüniň, Daşoguz welaýat köpugurly hassahanasynyň, Lebap welaýat köpugurly hassahanasynyň, Mary welaýat çagalar hassahanasynyň lukmanlary gatnaşýarlar. Iki günläp dowam edýän forumda hirurgiýa, akuşerçilik-ginekologiýa, ortopediýa, onkologiýa we derman serişdelerine degişli meseleler giňden ara alnyp maslahatlaşylýar.
“Türkmenistan” gazetindäki habara görä, Hyzmatdaşlyk döwletara ylalaşyk esasynda, forum görnüşinde birnäçe ýyllaryň dowamynda kämilleşdirildi. Şunlukda, saglygy goraýşyň ählumumy meseleleri öwrenilip, ylmy taýdan esaslandyrylan çözgütleriň işlenilmegi ýola goýuldy. Forumyň iki döwletde yzygiderli, gezekleýin geçirilmegi däbe öwrüldi. Ýeri gelende bellesek, türkmen-german forumy ilkinji gezek 2011-nji ýylyň noýabrynda Germaniýa Federatiw Respublikasynyň Mýunhen şäheriniň Grosshaderndäki Lýudwig Maksimilian adyndaky uniwersitetiniň klinikasynda geçirildi. Onda saglygy goraýyşda ikitaraplaýyn hyzmatdaşlyk boýunça meseleler ara alnyp maslahatlaşylyp, iki ýurduň arasyndaky hyzmatdaşlygyň anyk ugurlary kesgitleýän resminama gol çekildi.
2012-nji ýylyň aprelinde Türkmenistanda geçirilen II türkmen-german forumy hem saglygy goraýyş boýunça meýilleşdirilen işleri üstünlikli amal etmäge itergi berdi. Germaniýanyň Berlin şäherindäki Robert Koh adyndaky institutda geçirilen III türkmen-german forumynda bolsa Türkmenistanyň lukmançylyk ylmyny kämilleşdirmek üçin täze saglygy goraýyş edaralaryny gurmak babatda nemes işewürleri bilen maslahatlar geçirildi. 2014-nji ýylyň 30-njy sentýabry — 1-nji oktýabry aralygynda Aşgabatda guralan IV türkmen-german forumynda Germaniýanyň öňdebaryjy klinikalarynda geçýän hünär kämilleşdiriş okuwlarynyň netijeliligine baha berildi, antibiotiklere garşy durnuklylygyň meselelerine seredildi. V türkmen-german forumy 2015-nji ýylyň noýabrynda Germaniýanyň Murnau şäherinde geçirilip, onda hassahana içki ýokançlaryň ýaýramagynyň öňüni almak we olara garşy göreşmek, çaga onkologiýasy we endokrinologiýa meseleleri, süýjüli diabet keselinde berilýän kömegiň hili, ýanyk şikeslerini bejermegiň ugurlary öz beýanyny tapd